Beda Venerabilis, De orthographia, [de orthographia]
| 1 | a littera etiam nota praenominis est cum Augustum sola significat. |
| 2 | b propinqua est p litterae qua saepe mutatur, ut supponit, opponit. |
| 3 | c nota est praenominis cum Gaium significat; item numeri, cum centum. |
| 4 | d littera propinqua est consonantibus his c g l p r m t quae succedunt in locum eius, ut accipere, aggere, alliga, appare, arripe, ammitte, attende. |
| 5 | nota praenominis cum Decium sola significat. |
| 6 | item numeri, cum quingentos. |
| 7 | l sola Lucium significat. |
| 8 | m sola Marcum. |
| 9 | n sola Numerum. |
| 10 | praeposita g Gnaeum. |
| 11 | p sola Publium; et cum r populum Romanum; et subiecta r rem publicam; et praeposita c litterae, patres conscripti siue post consulatum. |
| 12 | q littera etiam nota est praenominis, cum Quintum sola significat; item honoris cum quaestorem; populum cum Quirites. |
| 13 | t nota est praenominis cum Titum sola significat. |
| 14 | u adiuncta c, cum uirga iacente superposita, uir clarissimus; u geminata, cum uirga iacente superposita, uerbi gratia; u geminata cum c duplice, uiri clarissimi. |